Studieordning - Isiginnaartitsisartutut Bachelori
Aallaqqaasiut
Ilinniakkap kalaallisut, qallunaatut aamma tuluttut taaguutaa.
Ilinniagaq piginnaatitsivoq kalaallisut taaguuteqarnissamut: Isiginnaartitsisartutut Bachelori.
Ilinniagaq piginnaatitsivoq qallunaatut taaguuteqarnissamut: Bachelor i Skuespil.
Ilinniagaq piginnaatitsivoq tuluttut taaguuteqarnissamut: Bachelor of Fine Arts in Acting.
Ilinniakkap aaqqissugaanera
Ilinniakkap aaqqissugaanera Nunatta Isiginnaartitsinermik Ilinniarfianit suliarineqarpoq aamma Ilinniartitaanermut Siunnersuisoqatigiinnit akuersissutigineqarluni atsiorneqarpoq ulloq 01.01.2025-mi.
Inatsisitigut tunngavigineqartut
Qaffasinnerusumik ilinniartitaanerit pillugu Inatsisartut Inatsisartut inatsisaat nr. 15, 1. december 2021-meersumi § 31 a, imm. 2 naapertolugu.
Isiginnaartitsisutut bacheloritut ilinniagaqalerniarluni piumasaqaatit akuerisaasarnerlu pillugit Namminersorlutik Oqartussat nalunaarutaat nr. 17 af 27. april 2023-meersoq naapertorlugu.
Ilisimatusarfimmi ilinnigaqarnerit soraarummeertarnerillu pillugit Namminersornerullutik Oqartussat nalunaarutaat nr. 1, 11. Januar 2024-meersumi § 14, aamma 21 naapertorlugit.
I henhold til Selvstyrets bekendtgørelse nr. 18 af 27. april 2023 af Inatsisartutlov om videregående uddannelser § 17
ECTS-mi annertussusiligaanera
Ilinniarneq nunat tamalaat pointinik aaqqissueriaasiat atorlugu ukiukkaartumik naatsorsorneqartarpoq, ECTS: European Credit Transfer System, nunani allanit isiginnaartitsinermik ilinniarnernit eqqumiitsuliortutut ilinniakkani allani aamma pisinnaasat akuerisaasut nuunneqarneqarnerinut assersuussinissamullu periarfissiivoq.
Ukioq ataaseq ilinniarneq 60 ECTS-pointinik naleqarpoq.
Ilinniagaq tamakkiisoq, ukiunik pingasunik sivisussusilik 180 ECTS-pointinut annertussusiligaavoq.
Ilinnialernissamut piumasaqaatit, ilinnialernissamullu akuerisaaneq pillugit periuseq
Ilinnialernissamut piumasaqaat
Ilinnialernissamut piumasaqaatit tassaapput qinnuteqartup 18-inik ukioqalersimanissaa
Meeqqat atuarfiannik naammassinnissimanissaa
Qinnuteqartoq ilinniartunngorsinnaavoq ilinniartunngorniarluni misilitsinneq angusiffigisimaguniuk.
Ilinnialertussanik akuersisarnermi periuseq
Ilinnialertussatut akuerineqarnissaq marlunnik misilitsiffiusarpoq.
Misilitsinneq siulleq:
Nammineq videoliaq, annerpaamik minutsinik qulinik sivisussusilik
Video ukuninnga imaqassaaq, ilinniarfimmit toqqarneqartumik kisimiilluni alanngaagassaq - alanngaagassaq allassimasoq ilinniarfimmiit toqqagassiissutigineqassaaq.
Erinarsuut nammineq toqqagaq
Qinnuteqartup imminut ilisaritinnera
Qinnuteqarsimasut ilinniarfimmit naliliiffigineqassapput, kingornalu qinnuteqartut naleqquttut misilitsinnerup aappaanut ingerlaqqissapput.
Misilitsinnerit aappaat:
Qinnuteqartoq inuttamik toqqaassaaq, oqaloqatigiinnerlu alanngaarlugu - oqaloqatigiinnermik imalik allassimasoq ilinniarfimmiit toqqagassiissutigineqartoq.
Qinnuteqartoq taallamik nammineq toqqakkaminik alanngaagaqassaaq.
Misilitsinnerup aappaa makkuninnga imaqarpoq:
Oqaloqatigiinnermik imalik alanngaagassaq. Inuttaqarluni oqaloqatigiinnermi qinnuteqartoq oqaatsinik eqqaasitsissutinik tunineqarsinnaavoq.
Taallap alanngaarnera
Ilitsersuisumik suleqateqarneq; timi atorlugu misilitassat, timimik aalaaserinnissuseq, eqaassuseq, nukittussuseq, ataqatigiissaarisinnaasuseq aamma torrussiinnarneq
Misilitsinnermi naliliisunik oqaloqatiginninneq
Misilitsittoq ilinnialissanersoq naliliisut ukuninnga tunuliaquteqarlutik aaliangissavaat; piukkunnaateqarnera, piginnaasai pikkoriffiilu.
Misilitsinnermi nalililiisut ikinnerpaamik inuit pingasuupput, suliamut attuumassutillit. Taakku Nunatta Isiginnaartitsisarfianit innersuussutigineqarsimapput aamma Ilinniartitaanermut Kulturimullu Naalakkersuisoqarfimmit akuersissutigineqarsimallutik.
Misilitsittut tamarmik misilitsinnerup kingulliup naammassereerneranit kingusinnerpaamik ullut marluk qaangiuppata akissutisissapput. Misilitsittoq misilitsinnerup aappaani angusinngitsooruni, misilitsinnermi naliliisumik oqaloqatiginnissinnaavoq.
Ilinniartut amerlassusaat
Ukiut pingasukkaarlugit, ilinniarnerup aallartinnerani amerlanerpaamik tallimat ilinniartunngorsinnaapput.
Ilinniarnermi oqaatsit
Ilinniarnermi oqaatsit atorneqartut tassaapput kalaallit oqaasii, taamaattorli aamma kalaallit oqaasiisa saniatigut oqaatsit allat atorlugit ilinniartitsisoqarsinnaavoq.
Siunertaq
Isiginnaartitsinermik ilinniarnerup siunertaa
Nunatta Isiginnaartitsisarfianut atasup Nunatta Isiginnaartitsinermik Ilinniarfiata siunertaraa ilinniartunik nammineq pilersitsinnaasunik misilittagaqarluartunillu isiginnaartitsisartunngortitsinissaq. Isumaliuutersuutit isiginnaartitsivimmi eqqumiiitsuliornermik tunngavillit, pisinnaasat pitsaasut sakkugalugit piginnaasallu arlariit tapitaleriissillugit, akissarsiutigalugu isiginnaartitsisartutut aamma isiginnaartitsivimmi qaffasissumik timitaliisinnaasunik isiginnaartitsisartunngortitsinissaq.
Ilisimasatigut tunngavigineqartoq
Isiginnaartitsisartutut ilinniarneq ukuninnga ilisimasanik tunngaveqarpoq:
Isiginnaartitsivimmi eqqumiitsuliornermik ineriartortitsineq
Suliamut tunngasut ilisimasat
Isiginnaartitsisartutut ilinniarnermi ilikkagassatut anguniagassat pissarsiassartaat
Ilinniartup ilinniakkaminik naammassinninnermini isiginnaartitsivimmi suleriaatsit aamma isiginnaartitsivimmi sunniiniutit inuussutissarsiutitut ingerlassinnaassavai. Ilinniagaqartup ilinniarnerup naammassereernerani nammineq akisussaaffigalugu, isiginnaartitsivimmut ataqatigiissakkamik isiginnaagassiamik katiterisinnaassaaq.
Ilinniagaqartup misiginninnermigut -, allassimasutigut -, inimik maluginninnermigut-, pisunillu paasinnittariaatsini atorlugit, isiginnaartitsinermi inuttamik paasisinnaasaminik nassuiarsinnaasaminillu pilersitsisinnaassaaq. Ilinniagaqartortaaq nammineq isiginnaartitsivimmi eqqumiitsuliornermik ineriartortitsinissaminut paasinnissimassaaq.
Ilikkagassatut anguniagassat pissarsiassartaat ilinniakkamut tunngasut, pingaarnernut pingasunut inississugaapput:
Ilisimasat paasinninnerlu
Pisinnaasat
Piginnaasat
Ilisimasat paasinninnerlu
Ilinniakkap naammassinerani ilinniagaqartoq ukuninnga piginnaasaqassaaq:
Inuit kulturikkut oqaluttuarisaanerannik, Inuit oqaluttuarisaanerannik aamma nunat inoqqaavisa oqaluttuarisaanerannik siammasissumik paasisimasaqassuseq tunngavigalugu sulineq.
Piffissaq nalaatani pillugu nalilersuisinnaassaaq pimoorussillunilu suliaminut ilanngussinnaassallugu.
Isiginnaartitsisartup periutsit sakkui atorsinnaalissagai:
Isiginnaartitsinermi inuttaaffissaq pillugu atuarluni, misissoqqissaarlugu isiginnaagassiamullu tamakkiisumut qanoq isumaqarnera paasillugu.
Paasisat malillugit tunngaviusumik isiginnaartitsinermi eqqumiitsuliortarnerup ineriartortittarneranut isummersinnaalluni.
Pisinnaasat
Ilinniarnerup naammassereerneratigut ukuninnga pisinnaassaaq:
Inuttaaffigisap timimut tunngasutigut piumasaqaatai naammassissallugit
Inuttaaffigisami oqaatsit atorneqartut pikkoriffigalugit atorsinnaallugi aamma isiginnaartitsiviusoq nipini atorlugu nipeqartilersinnaallugu.
Eqqarsaatit, oqaatsit, nipi aamma timikkut tarnikkullu iliuutsit isiginnaartitsivimmi atorsinnaassallugu.
Isiginnaagassiap ilivitsuussusaa aallaavigalugu inuttaafigisinnaallugu.
Tusagassiuutit attuumassuteqartut iluanni ilinniarsimasaminik suliffigissallugu.
Tusagassiuutini assigisaanilu allani ilinniarsimasutut suleriuseqarsinnaalluni.
Ilisimaarinninnermik pissanganartulioriaatsip anersaavata ilusaanik takutitsilluarsinnaalluni taannalu aqqutigalugu inuttaaffissap qanoq atorneqarnissaanut ataatsimut isigalugu naliliisinnaalluni.
Isiginnaartitsivimmiinnermi inuttaaffigisamik piviusuusaartitsilluarsinnaalluni pissangarnarsaartumillu oqaluttuariaaseqarsinnalluni suleqatinut isiginnaartunullu.
Misitinnermi isiginnaartitsinermilu isiginnartitseqatit allallu suleqatiginerini nassaassarsiortumik attaveqatiginneriaaseqarluni sulisinnaalluni.
Paasinnilluni eqqarsaatigeqqissaaqqittarlugu nammineq qanoq atorfeqarnerluni tamarmiunermi suleriutsip ingerlaarnerani tassanilu isumaliuutersuutit periutsillu eqqumiitsulioriaasermi ineriartortitsisimasunut.
Eqqumiitsuliornerup iluani suliaqarnermi periutsit atortarlugit.
Inuttaaffigineqartussap nassaarsiarineqarnera eqqumiitsuliarpalaarneratalu isiginnaartitsisartoqatinut allanullu ilinniarsimanngitsunut suussusaata oqaluttuarisinnaanera.
Piginnaasat
Ilinniarnerup naammassereerneratigut ukuninnga pisinnaasaqassaaq:
Isiginnaartitsinermut ilinniarsimasutut nammineersinnaasuseqarluni isiginnaartitsinermut tunngatillugu allanik suleqateqarsinnaaneq, taakkununnga ilisimasaqarluni isiginnaartitsinerullu suliassaqarfiini allani soqutiginnissuseqarluni.
Ataatsimoorussamik suliap ingerlaneranut ilinniarsimasutut sulisutut ilanngunneq aamma nammineq suliaqarnerup akisussaanerullu pingaaruteqassusianik paasininneq ataqqinninnerlu.
Nammineq isiginnaartitseriaatsiminik inissiilluni, taakkualu nalilersoqqillugit siuarsaqqillugillu suleriaatsinilu aamma taamannak inissillugit.
Nammineq ilisimassassanik nutaanik, paasisimasanik ilimasanik nutaanik eqeersimaartumik ujartuineq kiisalu inuiaqatigiinnut tunngasunik eqqumiitsuliornikkullu ineriartornermut sammiviusunut pimoorussineq.
Ukiuni pingasuni ineriartorneq
Ukioq siulleq - Uanga isiginnaartitsisartutut timip nipillu atornissaanut misissuineruvoq ilsimasaqalerfiullunilu. Saqqummeeriaatsini sumiiffinni ileqqut, isiginnaartitsinermi kulturikkullu oqaluttuarisaaneq aallarniutaasumik ilisaritinneqartarput.
Ukiup aappaa - Uanga Kalaallit Nunaanni isiginnaartitsisartutut tassaavoq, ukioq siullermi ilinniarneq aallaavigalugu iliuuseqarneq aamma isiginnaartitseriaatsimik namminerisamik pilersitsineq, isiginnaartitseriaatsinut itinerusumik iserneq aamma isiginneriaatsinut suleriaatsinullu itinerusumik eqqarsaasersorneq.
Ukiut pingajuat - Uanga Kalaallit Nunaanni nunarsuarmilu isiginnaartitsisartutut ilinniartunik avammut attaveqarnermik ilinniartunut paasisitsilluni saqqummiussinermik aallartittarpoq, nunarsuullu ilani allami imaluunniit nunap ilaani ilinniarfimmi allami paasisaqarnissaminnut ilinniarnissaminnullu periarfissaqalersarput, angerlaqqinnissartik sioqqullugu ilinniarnertik kisimiilluni suliniuteqarnermik aamma naggataarutaasumik isiginnaagassiamik naggasertarpaat.
Modulit aamma ECTS pointit
| Semesteri siulleq | Semesterit aappaa | Semesterit pingajuat | Semesterit sisamaat | Semesterit tallimaat | Semesterit arfernat | Ukiuni pingasuni katillugit | |
|---|---|---|---|---|---|---|---|
| Timi nipilu | 5 | 5 | 5 | 5 | |||
| INUA - Eqqumiitsuliornermik ineriartortitsineq | 15 | 10 | 15 | 5 | |||
| SILA - Ilisimasat ataqatigiinnerlu | 5 | 5 | 5 | 5 | |||
| Isumassarsianik pilersitsinermi timitaliisinnaaneq | 5 | ||||||
| Sungiusarluni sulineq / Paasissutissarsiorluni angalaneq / Paarlaasseqatigiinneq | 15 | ||||||
| Eqqumiitsuliamik itisiliineq | 15 | ||||||
| Ukiumi siullermi isiginnaartitsineq | 10 | ||||||
| Ukiup aappaani isiginnaartitsineq | 10 | ||||||
| Inaarutaasumik isiginnaartitsineq | 15 | ||||||
| Namminersorlutik suliat (2 x 10 min., bachelorinngorniullu) | 5 | 5 | 15 | ||||
| ECST Pointit katillugit | 30 | 30 | 30 | 30 | 30 | 30 | 180 |
Ilinniakkat tamarmik immikkut aallaaserineqarput:
ECTS-mi annertussuseq
Ilikkagassatut anguniagassat
Ilinniartitseriaatsit suleriaatsillu
Nalileeriaatsit
Modul A: TIMI & NIPI 1, INUA 1 og SILA 1
Semesteri siulleq
Modul A-mi qulequttat; Timi & Nipi 1, INUA - Eqqumiitsuliornermik Ineriartortitsineq 1 aamma SILA - Ilisimasat Ataqatigiinnerlu 1-p siunertaraat nipip sungiusarnissaanut aamma timikkut pisinnaasassat ilinniartumut ilisaritissallugit, ilinniartullu tamakkiisumik eqqumiitsuliornermik ersersitsinissaanut ilaasussanngorlugit.
Modul A-mi kalaallit oqaasii, kulturikkut oqaluttuarisaaneq- aamma/imaluunniit isiginnaartitsinermik tunngavillit ataqatigiissakkat ilinniartumut atuartitsissutiginerisigut ilisaritinneqassapput, atuartitsissutillu ilinniartumut eqqarsalersitsillutillu isumaqalissapput. Kalaallit takutitsinikkut ileqqui atuartitsissutiginerisigut ilisaritinneqassapput.
Modul A-p ilanngullugu siunertaraa eqqumiitsuliornikkut periutsit ilinniartumut ilisaritinneqarnissaat aamma eqqumiitsuliornikkut pisinnaasassat sungiusarnissaat, taakkulu ilinniartup allanik peqateqarnikkut eqqumiitsuliortutut ersersitsineranut tapersiissapput, isiginnaartitsivimmi eqqumiitsuliornermi, filmi atorlugu eqqumiitsuliornermi imaluunniit tv atorlugu eqqumiitsuliornermi.
Modul A-mi kalaallit kingornussimasaat tigussaanngitsut, sammisat immikkuullarissut, isiginnaartitsivimmi eqqumiitsuliornermut tunngasut, soorlu uaajeerneq, qilaatersorneq aamma Inuit qulliannik ikitsineq, atuartitsissutigalugit ilisaritinneqassapput.
| Modulit | Qulequttat | ECTS point |
|---|---|---|
| Modul A: | Timi & Nipi 1 | 5 |
| INUA - Eqqumiitsuliornermik Ineriartortitsineq 1 | 15 | |
| SILA - Ilisimasat Ataqatigiinnerlu 1 | 5 | |
| Modul B: | Namminersorlutik suliaq 1 | 5 |
| I alt | 30 |
Timi & Nipi 1
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Nipimik assigiinngitsunik atuinermini paasinninneq, nipillu assigiinngitsunik periarfissaqarneranik paasinninneq peqatigalugit atuineq.
Allanik peqateqarnermi timip assigiinngitsunik periarfissaqarneranik paasinnilerneq atuilernerlu.
Nipip timillu piginnaasaasa sungiusarnerini paasinnikkiartulernermik takutitsineq.
Kalaallit saqqummeeriaatsimik ileqquinik paasininnerup takutinnera.
Ilinniartitseriaatsit suleriaatsillu
Ilinniartut ataatsimoortillugit ilinniartitsineq, ilinniartullu ataasiakkaarlugit ilinniartinneqartassapput.
INUA - Eqqumiitsuliornermik ineriartortitsineq 1
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Tunngaviusumik isiginnaartitseriaatsimut paasinninnermik ersersitsineq.
Tunngaviusumik isiginnaartitseriaaseq aallaavigalugu inuttut ataasiakkaatut allallu peqatigalugit suliaqarneq.
Isiginnaartitsinermik suliaqarnermi nipimik timikkullu piginnaassuseqarnermik atuineq.
Isiginnaartitsinermik suliaqarnermut atatillugu kalaallit oqaasiinik atuinissamut tunngasumik paasinninnermik ersersitsineq.
Ilinniartitseriaatsit suleriaatsillu
Ilinniartut ataatsimoortillugit ilinniartitsineq, ilinniartullu ataasiakkaarlugit ilinniartinneqartassapput.
SILA - Ilisimasat ataqatigiinnerlu 1
Ilikkagassatut anguniagassat
Ilinniartitsissutini immikkoortup naammassinerani ilinniartoq ima pisinnaassaqalersimassaaq:
Kalaallisut oqaasilerinermik aamma isiginnaartitsinermi, atuakkialerinermi tusagassiuutinilu oqaatsinik atuinermik tunngaviusumik paasinninnermik ersisitsineq.
Kulturikkut oqaluttuarisaanermik – aamma/imaluunniit isiginnaartitsinerup atuagarsornertaanut killilimmik atuarsimasassanut tunngaviusumik paasinninnermut ersersitsineq.
Kulturikkut oqaluttuarisaanerannut – aamma/imaluunniit isiginnaartitsinerup atuagarsornertaanut atuarsimasassanut naatsorsuutigisanut tunngatillugu suliamut tunngusunik attuumassuteqartunillu akissuteqarneq misissueqqissaarnerlu.
Isiginnaartitsinermut suliaqarnermut atatillugu kulturikkut oqaluttuarisaanerannut – aamma/imaluunniit isiginnaartitsinerup atuagarsornertaanut atuarsimasassanut naatsorsuutigisanut inissiineq.
Ataatsimoorfiusumik ataatsimooqatigiilluarnermik inuttullu nammineq sulinermik tunngaviusumik paasinninnermik ersersitsineq.
Timip pissusilersornerata oqariartuutai aamma oqaasinngornagu attaveqarnikkut nammineq aallallu killeqarnerinik ilisarinninneq.
Ilinniartitseriaatsit suleriaatsillu
Ilinniartut ataatsimoortillugit ilinniartitsineq, ilinniartullu ataasiakkaarlugit ilinniartinneqartassapput. Saniatigut ilinniartitsissutit paasisassarsiorluni angalanernik, isiginnaartitsisunik isiginnaarnerni aamma nunap inoqqaavinut allanut tikeraarnernik ileqqumminnik saqqummiisuni ilinniarnermik imaqarsinnaavoq.
Modul B: Namminersorluni suliaq 1
Semesteri siulleq
Uani suliassap ilinniartoq bachelorinngorniarluni suliunitissaanut sungiusaatitut suliarissavaa,
uani siunertarineqarpoq ilinniartup isiginnaartitsivik pillugu misissuisinnaaneranik ineriartortitsisinnaalernissaa. Immikkoortortap ukua siunertarivai ilinniartup nammineq nassaassarsiorsinnaanera, suliniutip oqaluttuarisinnaanera kiisalu suliniutip inerneranik isornartoqarsoralugu eqqarsaatersorfigisinnaallugu.
Ilikkagassatut anguniagassat
Ilinniartitsissutini immikkoortup naammassinerani ilinniagaqartoq pisinnaassaaq:
Suliniummik isiginnaartitsisarfiup iluani arlaannik aalajangersimaqqissaartumik misissuiitigaluni oqaluttuarisinnaalersimassavaa.
Misissorsimasani eqikkarlugu sulianngortillugu takusassiaralugu.
Nammineq suleriaaserisimasaminut isornartoqarsinnaaneranik eqqarsaatersorluni nalilersuisinnaalluni.
Ilinniartitseriaatsit suleriaatsillu
Oqallisissiat, sungiusarnerit suliummillu suliaqarneq. Ingerlanerup imarivaa ilinniarfiup iluani takutitsineq/saqqummiineq.
Ilinniartitseriaatsit suleriaatsillu
Oqallisissiat, sungiusarnerit suniuteqarnerit akornanni allangorarneqassaaq. Ingerlanerup imarissavaa suliffiup iluani takutitsineq/saqqummiineq.
Suliniutip allaaserineqarnerata imarissavaa:
Suliniutip eqqumiitsuliortutut aamma suliamut tunngasutigut imarisaanik allaaserinninneq, tassani ilaassapput isumassarsiap allaaserinera, piffissamut pilersaarut aamma suleriaaseq.
Suliniummi eqqumiitsuliortutut angusaqarluarusussutsip pisariaqarneratalu allaaserineri.
Suliniutip tigusisussaaminut naleqqiulluni pissusiata allaaserinera.
Nalileeriaatsit
Misilitsinnertut ilinniarfiup iluani naliliisoqarluni naggaserneqassaaq. Ilinniartitsissutini angusiffiginiarlugu ilinniartup ilinniakkatigut ineriartornera ilikkagassatut anguniagassanut nallersuutissaaq aamma ilinniartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq. Ilinniagaqartoq angusinngippat, semesterit tulliinut ilikkagassat malitseqartinnissaannut pilersaarusiortoqassaaq.
Timi & Nipi 2
| Semesterit aappaat | Moduli | ECTS pointit |
|---|---|---|
| Timi & Nipi 2 | 5 |
Moduli siunertaqarpoq ilinniagaqartoq nipip timikkullu piginnaanernik sungiusarnerata ingerlateqqinnissaanut, ilinniartup eqqumiitsuliornikkut tamakkiisumik ersersitsinerani ilanngunneqartut ilaattut.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Eqqumiitsuliornikkut ersersitsinermi allat peqatigalugit nipip assigiinngitsunik periarfissaqarnera paasillugu atorlugulu.
Eqqumiitsuliornikkut ersersitsinermi allat peqatigalugit timip assigiinngitsunik periarfissaqarnera paasillugu atorlugulu.
Nipip timillu piginnaasaasa sungiusarnerini angusassamik toraagaqarluni paasinninnermik takutitsineq.
Kalaallit saqqummiinermi ileqquinik takutitsineq
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlakaapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
INUA - Eqqumiitsuliornermik ineriartortitsineq 2
| Semesterit aappaat | Moduli | ECTS pointit |
|---|---|---|
| INUA - Eqqumiitsuliornermik ineriartortitsineq 2 | 10 |
Immikkoortumi Kalaallit tigussaanngitsuni kingornussaanni immikkut ittumik annertunerusumik immikkoortut ilai soorlu uaajeerneq, tivaneq, aamma qullermik ikitsineq, qulleq orsutortoq, ilinniartitsinermi piorsarneqassapput.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Isiginnaartitseriaatsimut tunngaviusumik paasinninnermik ersersitsineq.
Isiginnaartitseriaaseq tunngaviusumik aallaavigalugu inuttut ataasiakkaatut allallu peqatigalugit suliaqarneq.
Isiginnaartitsinermik suliaqarnermi nipimik timikkullu piginnaassuseqarnermik atuineq.
Isiginnaarititsinermik suliaqarnermut atatillugu kalaallit oqaasiinik atuinissamut tunngasumik paasinninnermik ersersitsineq.
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlaattassapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
SILA - Ilisimasat ataqatigiinnerlu 2
| Semesterit aappaat | Moduli | ECTS point |
|---|---|---|
| SILA - Ilisimasat ataqatigiinnerlu 2 | 5 |
Saniatigut immikkoortumi ingerlateqqinneqarpoq Kalaallit oqaasii, kulturikkut oqaluttuarisaanermut- aamma/imaluunniit isiginnaartitsisarfiup atuagarsornertaanut attuumassuteqartillugu, ilinniartoq nammineq ilinniakkaminut isumaqarluartumik akisinnaassuseqalersillugu.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Kalaallisut oqaasilerinermik aamma isiginnaartitsinermi, atuakkialerinermi tusagassiuutinilu oqaatsinik atuinermik tunngaviusumik paasinninnermik ersisitsineq.
Kulturikkut oqaluttuarisaanermik – aamma/imaluunniit isiginnaartitsinerup atuagarsornertaanut killilimmik atuarsimasassanut tunngaviusumik paasinninnermut ersersitsineq.
Isiginnaartitsinermut suliaqarnermut atatillugu kulturikkut oqaluttuarisaanerannut – aamma/imaluunniit isiginnaartitsinerup atuagarsornertaanut atuarsimasassanut naatsorsuutigisanut inissiineq.
Ataatsimoorfiusumik ataatsimooqatigiilluarnermik inuttullu nammineq sulinermik tunngaviusumik paasinninnermik ersersitsineq.
Timip pissusilersornerata oqariartuutai aamma oqaasinngornagu attaveqarnikkut nammineq aallallu killeqarnerinik ilisarinninneq.
Ilinniartitseriaatsit suleriaatsillu
Ataatsimoortunik atuartitsineq, suleqatigiinnik ataasikkaanillu sungiusaanerit paarlakaapput. Ilinniartitsissutini immikkoortoq saniatigut paasisassarsiorluni angalanernik aamma isiginnaartitsisunukanermik imaqarsinnaavoq.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
Ukiumi siullermi isiginnaartitsineq
| Semesterit aappaat | Moduli | ECTS point |
|---|---|---|
| Ukiumi siullermi isiginnaartitsineq | 10 |
Ilikkagassatut anguniagassat
Ilinniartitsissutini immikkoortup naammassinerani ilinniagaqartoq pisinnaassaaq:
Ilisimalersimasap ilanngutinneqarnera kiisalu isiginnaartitsinerit, nipimut tunngatillugu timikkullu piginnaasat kisimiilluni ataatsimoorluniluunniit isiginnaartitsivimmi oqariartuuteqarneq, eqqumiitsuliornikkut piginnaasanik ilinniagaqartup angusimasaanik takussaalersitsisoq.
Ilinniartitseriaatsit suleriaatsillu
Suliniummik suliaqarneq ilitsersuineq kiisalu takutitsinerit.
Nalileeriaatsit
Ilinniartitsissutini immikkoortoq avataani misilitsinnertut avataanit naliliisoqarluni naggaserneqassaaq. Ilinniartitsissutini immikkoortoq angusiffiginiarlugu ilinniartup ilinniakkatigut ineriartornera ilikkagassatut anguniagassanut nallersuutissaaq aamma ilinniartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq. Ilinniartoq angusinngippat, semesterinu tulliuttuni ilinniagassat taakkua malitseqartinnissaannut pilersaarusiortoqassaaq.
Timi & Nipi 3
| Semesterit pingajuat | Moduli | ECTS pointit |
|---|---|---|
| Timi & Nipi 3 | 5 |
Moduli siuneqartaqarpoq ilinniartoq nipip timikkullu piginnaanerit sungiusarnerata ingerlateqqinnissaanut, ilinniartup eqqumiitsuliornikkut tamakkiisumik ersersitsinerani ilanngunneqartut ilaattut.
Ilikkagassatut anguniagassat
Ilinniartitsissutini immikkoortup naammassinerani ilinniagaqartoq pisinnaassaaq:
Eqqumiitsuliornikkut ersersitsinermi allat peqatigalugit nipip assigiinngitsunik periarfissaqarnera paasillugu atorlugulu.
Eqqumiitsuliornikkut ersersitsinermi allat peqatigalugit timip assigiinngitsunik periarfissaqarnera paasillugu atorlugulu.
Nipip timillu piginnaasaasa sungiusarnerini angusassamik toraagaqarluni akisussaaffimmik tigusineq.
Kalaallit saqqummeeriaatsimik ileqquinik atuartitsineq
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlakaapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
INUA - Isiginnaartitsivimmi eqqumiitsuliornermik ineriartortitsineq
| Semesterit pingajuat | Moduli | ECTS pointit |
|---|---|---|
| INUA - Isiginnaartitsivimmi eqqumiitsuliornermik ineriartortitsineq | 15 |
Immikkoortumi kalaallit tigussaanngitsuni kingornussaanni immikkut ittumik annertunerusumik immikkoortut ilai soorlu uaajeerneq, tivaneq, aamma qullermik ikitsineq, qulleq orsutortoq, ilinniartitsinermi piorsarneqassapput.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Isiginnaartitseriaatsimi kiisalu eqqumiitsuliornerup ineriartornerani suliaqarnerup itinerusumik paasinera takutissallugu.
Isiginnaartitseriaatsimut tunngatillugu inunnut ataasiakkaanut allanillu peqateqarluni peqatigiinnermut nammineerluni toqqaaneq.
Isiginnaartitsinermik suliaqarnermi nipip timillu piginnaasaasa atornerini namminersornerulluni suliaqarneq.
Kalaallit oqaasiinik namminersorluni suliaqarneq.
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlaattassapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
SILA - Ilisimasat ataqatigiinnerlu
| Semesterit pingajuat | Moduli | ECTS point |
|---|---|---|
| SILA - Ilisimasat ataqatigiinnerlu | 5 |
Saniatigut ingerlateqqinneqassaaq kalaallit oqaasii, kulturikkut oqaluttuarisaanermut- aamma/imaluunniit isiginnaartitsisarfiup atuagarsornertaanut attuumassuteqartillugu, ilinniartoq nammineq ilinniakkaminut isumaqarluartumik akisinnaassuseqalersillugu.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Kalaallisut oqaasilerinermik aamma isiginnaartitsinermi, atuakkialerinermi tusagassiuutinilu oqaatsinik atuinermik tunngaviusumik paasinninnermik ersisitsineq.
Kulturikkut oqaluttuarisaanermik – aamma/imaluunniit isiginnaartitsinerup atuagarsornertaanut killilimmik atuarsimasassanut tunngaviusumik paasinninnermut ersersitsineq.
Isiginnaartitsinermut suliaqarnermut atatillugu kulturikkut oqaluttuarisaanerannut – aamma/imaluunniit isiginnaartitsinerup atuagarsornertaanut atuarsimasassanut naatsorsuutigisanut inissiineq.
Ataatsimoorfiusumik ataatsimooqatigiilluarnermik inuttullu nammineq sulinermik tunngaviusumik paasinninnermik ersersitsineq.
Timip pissusilersornerata oqariartuutai aamma oqaasinngornagu attaveqarnikkut nammineq aallallu killeqarnerinik ilisarinninneq.
Ilinniartitseriaatsit suleriaatsillu
Ataatsimoortunik atuartitsineq, suleqatigiinnik ataasikkaanillu sungiusaanerit paarlakaapput. Saniatigut ilinniartitsissutini immikkoortoq paasisassarsiorluni angalanernik, isiginnaartitsinernik takunianernik aamma nunap inoqqaavinut allanut tikeraarnernik saqqummiinnermi ileqquinik ilinniarnermik imaqarsinnaavoq.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
Isumassarsianik pilersitsinermi timitaliisinnaasoq
| Semesterit pingajuat | Moduli | ECTS pointit |
|---|---|---|
| Isumassarsianik pilersitsinermi timitaliisinnaasoq | 5 |
Ilikkagassatut anguniagassat
Ilinniartitsissutini immikkoortup naammassinerani ilinniagaqartoq pisinnaassaaq:
Nammineerluni, imminut pilluni, piilersitsiniarnermik aallartitsinermillu misissueqqissaarineq, eqqumiitsuliornikkut sunniuteqarneq siunertaralugu, inuussutissarsiut suna sulisartuunerlu atasinnaasoq, ilinniagaqartup kissaatigisaa paasissallugu eqqarsaatigissallugulu.
Suliffeqarnermut sulinermullu siunissami periarfissat pillugit paasinninneq aqutsinermillu ilisimasat, annikitsumik annertuumillu ilinniagaqartup ilaaffigiligassai.
Eqqumiitsuliortut nammineq pilersitsiortutut nukittorsarnissamut tunngatillugu aqutsinermi atortut atorneri.
Nammineerluni pilersitsiniarnermik aallartitsinermillu ineriartoqqitsitsinermut akisussaassutsimik tigusineq.
Ilinniartitseriaatsit suleriaatsillu
Ataatsimoortunik atuartitsineq, oqallissaarutit sungiusarnerillu paarlakaapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
Timi & Nipi
| Semesterit sisamaat | Moduli | ECTS pointit |
|---|---|---|
| Timi & Nipi | 5 |
Moduli siunertaqarpoq, ilinniagaqartoq nipip timikkullu piginnaanernik sungiusarnissarnera naggaserniarlugu, ilinniagaqartup eqqumiitsuliornikkut tamakkiisumik ersersitsinerani ilanngunneqartut ilaattut.
Ilikkagassatut anguniagassat
Ilinniartitsissutini naammassinerani ilinniartoq pisinnaassaaq:
Eqqumiitsuliornikkut ersersitsinermi allat peqatigalugit timip assigiinngitsunik periarfissaqarnera paasillugu atorlugulu.
Nipip timillu piginnaasaasa sungiusarnerini angusassamik toraagaqarluni akisussaaffimmik tigusineq.
Kalaallit saqqummiinermi ileqquinik immikkut ilinniakkamut piginnaanngorsarneq
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlakaapput. Ilinniartitsissutit naammassinerani takutitsineq ilaasinnaavoq.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
INUA - Isiginnaartitsivimmi eqqumiitsuliornermik ineriartortitsineq
| Semesterit sisamaat | Moduli | ECTS pointit |
|---|---|---|
| INUA - Isiginnaartitsivimmi eqqumiitsuliornermik ineriartortitsineq | 5 |
Immikkoortoq naggaserneqassaaq kalaallit saqqummiinermi ileqquinik ilinniagaqartup itisilerineranik nammineerlunilu misissuinernik suliaqarnerinik aamma / imaluunniit uaajeernerup, tivanerup, imaluunniit qullermik ikitsinermik isiginnaartitsinerup qulleq orsutortoq, iluani nammineq periutsiminik ilusiliissaaq.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Isiginnaartitseriaatsimi kiisalu eqqumiitsuliornerup ineriartornerani suliaqarnerup itinerusumik annerusumillu nammineq inuttut paasinera takutissallugu.
Isiginnaartitseriaatsimut tunngatillugu inunnut ataasiakkaanut allanillu peqateqarluni peqatigiinnermut nammineerluni toqqaaneq.
Isiginnaartitsinermik suliaqarnermi nipip timillu piginnaasaanik sapinnginnerulluni namminersornerulluni suliaqarneq.
Ilinniartitseriaatsit suleriaatsillu
Ataatsimoortunik atuartitsineq inunnillu ataasiakkaanik atuartitsineq paarlaattassapput.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
SILA - Ilisimasat ataqatigiinnerlu
| Semesterit sisamaat | Moduli | ECTS point |
|---|---|---|
| SILA - Ilisimasat ataqatigiinnerlu | 5 |
Saniatigut immikkoortumi ingerlateqqinneqarpoq Kalaallit oqaasii, kulturikkut oqaluttuarisaanermut- aamma/imaluunniit isiginnaartitsisarfiup atuagarsornertaanut attuumassuteqartillugu, ilinniagaqartoq nammineq ilinniakkaminut isumaqarluartumik akisinnaassuseqalersillugu.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Kalaallisut oqaasilerinermik aamma isiginnaartitsinermi, atuakkialerinermi tusagassiuutinilu oqaatsinik atuinermik tunngaviusumik paasinninnermik ersisitsineq.
Kulturikkut oqaluttuarisaanermik – aamma/imaluunniit isiginnaartitsinerup atuagarsornertaanut killilimmik atuarsimasassanut tunngaviusumik paasinninnermut ersersitsineq.
Isiginnaartitsinermut suliaqarnermut atatillugu kulturikkut oqaluttuarisaanerannut – aamma/imaluunniit isiginnaartitsinerup atuagarsornertaanut atuarsimasassanut naatsorsuutigisanut inissiineq.
Ataatsimoorfiusumik ataatsimooqatigiilluarnermik inuttullu nammineq sulinermik tunngaviusumik paasinninnermik ersersitsineq.
Timip pissusilersornerata oqariartuutai aamma oqaasinngornagu attaveqarnikkut nammineq aallallu killeqarnerinik ilisarinninneq.
Ilinniartitseriaatsit suleriaatsillu
Ataatsimoortunik atuartitsineq, suleqatigiinnik ataasikkaanillu sungiusaanerit paarlakaapput. Ilinniartitsissutini immikkoortoq saniatigut paasisassarsiorluni angalanernik aamma isiginnaartitsisunukanermik imaqarsinnaavoq.
Ilinniartitsinermut atatillugu allattarissatigut suliassat naatsorsuutigineqarsinnaapput.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
Ukiup aappaani isiginnaartitsineq
| Semesterit sisamaat | Moduli | ECTS point |
|---|---|---|
| Ukiup aappaani isiginnaartitsineq | 10 |
Ukiup aappaani isiginnaartitsinermi siunertarineqarpoq isiginnaartitseriaatsinut, kulturikkut takutitsinermut aamma isiginnaartitseriaatimi kulturikkullu immikkut ittumik piginnaasat sungiusarnerinut ilisimasanut, isiginnaartitsinerup, filmini tv-miluunniit allat peqatigalugit eqqumiitsuliornermik ersersitsinermut tapertaasumik ilinniagaqartup ilisimasai ingerlateqqinnissasut.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Ilisimalersimasap ilanngutinneqarnera kiisalu isiginnaartitsinerit, nipimut tunngatillugu timikkullu piginnaasani assigiinngisitaartuni pisariunerusunik kisimiilluni ataatsimoorluniluunniit isiginnaartitsivimmi oqariartuuteqarneq, eqqumiitsuliornikkut piginnaasanik ilinniagaqartup angusimasaanik takussaalersitsisoq.
Ilinniartitseriaatsit suleriaatsillu
Suliniummik suliaqarneq ilitsersuinerlu kiisalu tamanut ammasumik isiginnaartunut takutitsinerit.
Nalileeriaatsit
Ilinniartitsissutini immikkoortoq avataani misilitsinnertut avataanit naliliisoqarluni naggaserneqassaaq. Ilinniartitsissutini immikkoortoq angusiffiginiarlugu ilinniagaqartup ilinniakkatigut ineriartornera ilikkagassatut anguniagassanut nallersuutissaaq aamma ilinniagaqartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq. Ilinniagaqartoq angusinngippat, semesterini aggersuni ilinniagassat taakkua malitseqartinnissaannut pilersaarusiortoqassaaq.
Nammineq suliaq 2
| Semesterit sisamaat | Moduli | ECTS point |
|---|---|---|
| Nammineq suliaq 2 | 5 |
Immikkoortup BA-mut suliunitissamut ilinniagaqartoq piareersarpaa, eqqumiitsuliornikkullu misissuinerit naammassisinnaanernut ilinniagaqartup piginnaasaasa ingerlaqqittumik- ineriartortinnissaannut siunertaqarluni. Immikkoortoq suliniummik allaaserininnermik, uppernarsaanermik sanilliussinermillu sammisaqarpoq.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Suliassaqarfimmi nassuiaaserneqartup iluani eqqumiitsumiitsuliortut sammisamik allaaserininneq misissuinerlu.
Suliamik ataatsimoortumik annikinnerusumi misissuinini eqikkasavaa.
Nammineq suliamik ingerlatsinerup matumani ilanngullugu siunertarisap angusallu akornanni misissuinermut tunngasunik isorinnippalaartumik uppernarsaaneq oqaaseqarnerlu.
Eqqumiitsuliornermik suliaqarnermut, periutsinut atuagarsornermullu ilisimasanut atuuttunut suliniummik sanilliussineq.
Ilinniartitseriaatsit suleriaatsillu
Oqallisissiat, sungiusarnerit suniuteqarnerit akornanni allangorarneqassaaq. Ingerlanerup imarissavaa suliffiup iluani takutitsineq/saqqummiineq.
Suliniutip allaaserineqarnerata imarissavaa:
Suliniutip eqqumiitsuliortutut aamma suliamut tunngasutigut imarisaanik allaaserinninneq, tassani ilaassapput isumassarsiap allaaserinera, piffissamut pilersaarut aamma suleriaaseq.
Suliniummi eqqumiitsuliortutut angusaqarluarusussutsip pisariaqarneratalu allaaserineri.
Suliniutip tigusisussaaminut naleqqiulluni pissusiata allaaserinera.
Uppernarsaaneq isornartorsiuerpalaartumik oqaaseqaat imaqassaaq:
Uppernarsaaneq suleriaatsillu ingerlanerata allaaserinera.
Eqqumiitsuliortutut suleriaaseq, sulineq, periutsit aamma suliniummut tunngasuni toqqakkani atuagarsornermut ilisimasanut atuuttunut atatillugu erserseriaatsinut aaqqiissuteqarnernullu nassuiaat.
Misilitsinnermi nalileeriaasissaq
Ilinniartitsissutini immikkoortoq avataani misilitsinnertut avataanit naliliisoqarluni naggaserneqassaaq. Ilinniartitsissutini immikkoortoq angusiffiginiarlugu ilinniagaqartup ilinniakkatigut ineriartornera ilikkagassatut anguniagassanut nallersuutissaaq aamma ilinniagaqartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq. Ilinniagaqartoq angusinngippat, semesterini aggersuni ilinniagassat taakkua malitseqartinnissaannut pilersaarusiortoqassaaq.
Sungiusarluni sulineq / Paasisassarsiorluni angalaneq / Paarlaaseqatigiinneq
| Semesterit tallimaat | Moduli | ECTS point |
|---|---|---|
| Sungiusarluni sulineq / Paasissutissarsiorluni angalaneq / Paarlaasseqatigiinneq | 15 |
Ilikkagassatut anguniagassat
Ilinniartup ineriartornissamut isumaqatigiissutaa apeqqutaavoq.
Ilinniartitseriaatsit suleriaatsillu
Ilinniartup ineriartornissamut isumaqatigiissutaa apeqqutaavoq.
Nalileeriaaseq SULIFFIMMI SUNGIUSARNEQ
Ilinniartup ineriartornissamut isumaqatigiissutaa apeqqutaavoq.
Bachelorinngorniut
| Semesterit tallimaat | Moduli | ECTS pointit |
|---|---|---|
| Bachelorinngorniut | 15 |
Immikkoortumi ilinniagaqartup bacheloritut suliniummi eqqumiitsuliortutut sulinera samminneqarpoq aamma suliniutini 1-mi 2-milu namminersorluni suliniutinit ilinniartup piginnaasarilersimasai eqikkarneqarput. Pingaarnertut siunertaavoq ilinniagaqartup piginnaasai nukittorsarniarlugit ineriartortissallugit eqqarsaatiginnissiinnaasusialu aamma namminersorluni eqqumiitsuliornikkut misissuinerup uppernarsarneranut.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Suliassaqarfiup iluani misissuiffigisassap allaaserinera taannalu tunngavigalugu suliniutip allaaserinera oqaasertaliorlugu.
Suliami inuussutissarsiummi suliani aamma/imaluunniit suliat akimorlugit suliniummut naleqquttunik suleqateqarneqarnermi peqataaneq.
Misissuinini isiginnaartitsivimmi isiginnaagassiotutsialassuarmik nammineq toqqakkamik timitalerlugu.
Suliniuteqarfiusup toqqakkap iluani takutitsinermi eqqumiitsuliornikkut piginnaasatigut qaffasissuunermik takutitsineq.
Nammineq suliamik ingerlatsinerup matumani ilanngullugu siunertarisap angussallu akornanni misissuinermut tunngasunik isorinnippalaartumik uppernarsaaneq oqaaseqarnerlu.
Ersersitseriaatsinut aaqqiissuteqarnernut toqqakkanut eqqumiitsuliortut sulisaaseq periutsit atuagarsornerillu pillugu ilisimasanut atuuttunut attuumassuteqartitsineq.
Suliaqaqatinut allanullu tigusisunut pingaarnertigut siunersisaqarnerup ingerlateqqinnera.
Ilinniartitseriaatsit suleriaatsillu
Suliniummik ilitsersuutitalimmik suliaqarneq. Tigusissunut attuumassutilinnut takutitsineq/saqqummiussineq. Takussutissamik eqqarsaatinillu kisimiilluni suliaqarneq.
Nalileeriaaseq
Ilinniartitsissutini immikkoortoq avataani misilitsinnertut avataanit naliliisoqarluni naggaserneqassaaq. Ilinniartitsissutini immikkoortoq angusiffiginiarlugu ilinniagaqartup ilinniakkatigut ineriartornera ilikkagassatut anguniagassanut nallersuutissaaq aamma ilinniagaqartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq. Ilinniagaqartoq angusinngippat, semesterini aggersuni ilinniagassat taakkua malitseqartinnissaannut pilersaarusiortoqassaaq.
Isiginnaartitseriaatsimi itisilerineq (Timi & Nipi aamma INUA)
| Semesterit arferngat | Moduli | ECTS pointit |
|---|---|---|
| Isiginnaartitseriaatsimi itisilerineq | 15 |
Immikkoortumi siunertarineqarpoq ilinniagaqartup ukiuni marlunni siullerni ilinniarnermini pissarsiarisimasaasa tunngaviusumik ilisimasat aamma tunngaviusumik pikkorissutsit piginnaasallu ingerlaqqittumik piorsarnissaat. Immikkoortumi ilinniagaqartup namminersornerminnut tunngatillugu nipimut, timimik, kulturikkut immikkut ittumik isiginnaartitsinikkut piginnaasanik kiisalu isiginnaartitsinermi, kulturikkut takutitsinermi, filmini tv-miluunniit eqqumiitsuliornikkut ersersertinermi ilisimasanut atuumassuteqarnera apeqqutaatillugu ilanngussisinnaanera ineriartuaarteqqinneqarpoq.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Eqqumiitsuliornermut ataqatigiisillugu timini nipinilu aqusinnaassallugit.
Eqqumiitsuliornermut atassuteqartillugu isiginnaartitseriaatsimik aqutsisinnaasuseqarneq.
Eqqumiitsuliornermut atassuteqartillugu pisussamut attuumassuteqarnera apeqqutaatillugu atuineq.
Eqqumiitsuliornikkut unammillernartunik naliliineq aaqqissuutissarnerlu nammineerluni eqqutsuliornikkut oqaaseqarnikkut.
Immikkut ittumik kalaallit saqqummiinermi ileqquinik kulturimut immikkoortut ilaannik nammineq eqqumiitsuliornermut attuumassuteqartillugu atuineq.
Ilinniartitseriaatsit suleriaatsillu
Ataasiakkaanik atuartitsineq aamma/imaluunniit ataatsimoortunik atuartitsineq eqimattanillu atuartitsineq paarkaapput. Ilinniartitsissutini immikkoortup naammassinerani takutitsineq ilaasinnaavoq.
Nalileeriaatsit
Ilinniartitsissutini immikkoortup naammassinerani naliliineq angusivoq/angusinngilaq ilinniarnermut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, semesterimut aggersumut malitseqartitsinissamut pilersaarusiortoqassaaq.
Naggataarutaasumik isiginnaartitsineq
| Semesterit arferngat | Moduli | ECTS pointit |
|---|---|---|
| Naggataarutaasumik isiginnaartitsineq | 15 |
Immikkoortoq isiginnaartitsivimmi eqqumiitsuliortutut suliamik suliaqarnermik siunertaqarpoq. Ilinniartuunerup ingerlanerani ilinniagaqartup tamanik ilikkarsimasaanik sulineq tunngaveqarpoq. Suliaq ilisaqqunnartumik ataatsimoorussatut pissuseqassaaq aamma suliamut tunngasunik suleriaatsimik ilisiamasanik tunngaveqassaaq, inuussutissarsiumut suliamut avatangiisinut ilaalluni naammassinissamut ilinniagaqartup piareersimaneranut takutitsinermik tamanna siunertaqarpoq.
Ilikkagassatut anguniagassat
Ilinniartitsissutini immikkoortup naammassinerani ilinniartoq pisinnaassaaq:
Isiginnaartitseriaaseq pillugu ilisimalersimasap ilanngutinneqarnera, isiginnaartitsinerit, nipimut tunngatillugu timikkullu piginnaasani assigiinngisitaartuni pisariunerusunik kisimiilluni ataatsimoorluniluunniit isiginnaartitsivimmi oqariartuuteqarneq, eqqumiitsuliornikkut piginnaasanik ilinniagaqartup angusimasaanik takussaalersitsisoq.
Eqqumiitsuliortutut periaatsit, atortut erserseriaatsillu kiisalu isiginnaartitsinermi suliassaqarfiup iluani suliaqarnermut attuumassuteqartut nalinginnaasumik pikkorissuseqarnerit aqussinnaassallugit.
Eqqumiitsuliortut unammillernartut, suliassat atuagarsornikkullu ajornartorsiutip allaaserineqarnerata naliliiffigineri, naleqquttumik ersersertinerit aaqqiissutissatullu ilusiliussat tunngavilersorneri toqqarnerilu.
Isiginnaartunut eqqumiitsuliornikkut suliamullu ajornartorsiutit tunngusunik ersertitsineq matumani ilanngullugu suliamut peqatigisanut immikkullu ilinniarsimanngitsunut.
Inuussutissarsiutigalugu sulialinnik suliamut tunngasunik suliallu akimorlugit namminersorluni suleqateqarneq.
Isiginnaartitsivimmi eqqumiitsuliornerup ingerlanerani suleqatigisat attuumassuteqartut peqatigalugit naammassinninneq kiisalu ataatsimoorussamik suliamik ingerlatsinernut attassuteqartillugu nammineq suliap aaqqissuunnera.
Ilinniartitseriaatsit suleriaatsillu
Suliniummik suliaqarneq kisimiillunilu ilitsersuineq kiisalu tamanut ammasumik isiginnaartunut takutitsinerit.
Naliliinerit
Naamminersornerullutik oqartussani § 14 naapertorlugu, ilinniartitsissutini immikkoortoq avataani misilitsinnertut avataanit nalileeqataasoqarluni naggaserneqassaaq. Ilinniartitsissutini immikkoortoq avataani misilitsinnertut avataanit nalileeqataasoqarluni naggaserneqassaaq. Ilinniartitsissutini immikkoortoq angusiffiginiarlugu ilinniagaqartup ilinniakkatigut ineriartornera ilikkagassatut anguniagassanut nallersuutissaaq aamma ilinniagaqartup takkuttarnera, pimoorussinerani suliniummullu tunniussaqarnera naammaginartutut nalilerneqassaaq.
Imm. 2. Ilinniartoq angusiniarluni pingasoriarluni misilitsinnissamik periarfissaqarpoq.
Isiginnaartitsinermi Ilinniarfimmi akisussaasoq ilinniartitsisullu ilinniartut pillugit nalilersuisarnerat
Ilinniartitsissutini immikkoortup naammassinerani naliliineq angusivoq/angusinngilaq suliamut akisussaasumit suliarineqassaaq aamma ilinniagaqartup ilinniakkatigut ineriartornerani peqataaneranillu tunngaveqassaaq. Ilikkagassatut anguniagassanut tunngatillugu ilinniagaqartup ilinniagassatigut ineriartornera naammanngippat imaluunniit ilinniagaqartoq ilinniartitsissutini immikkoortuni 20 %-t qaangerlugit peqanngittarsimappat, ilinniagaqartoq taarsiullugu suliassinneqassaaq.
Semesterit nalilersorneqarneri
Semesterit tamarmik immikkut naanerini ilinniarnermut akisussaasoq naapinneqartassaaq aamma ilinniartitsisut ilinniagaqartup suliamut tunngasunik ineriartornera qaffasissusialu misissuataartassavaat. Tulliullugu ilinniagaqartup, ilinniarnermut akisussaasup ilinniartitsisullu akornanni oqaloqatigiinneq ilinniagaqartumut naliliineq sioqqullugu tamanna ingerlatinneqassaaq.
Suliaqarluni pilersitanut nalilersuinerit
Pilersitsiniarluni suliaqarneq/isiginnaartitsineq sioqqullugu imarisaa aamma pilersitsiniarluni suliaqarnermut aalajangersimasumut tassunga perorsaanikkut anguniakkat nassuiarneqassapput. Sulianik pilersitsinertigut toqqakkatigut ilinniagaqartup sulinera kingornatigut ilinniartitsisunit ilinniarnermullu akisussaamit anguniakkamut aalajangersimasumut naleqqiussinikkut nalilersuiffineqassaaq. Allamik isumaqatigiissuteqarsimanngippat naliliineq oqaluttariarsorneruvoq. Eqimattani ataasiakkaanillu sulianik pilersitsinerit naliliiffigineqartarput. Tamatuma saniatigut semesterit sisamaanni isiginnaartitsinerup ingerlaneranut uiggiutitut suliat pilersinneqartut nalilersuiffigineri ilaapput.
Ilinniarnerup qiterpaarnerani naliliineq
Semesterit pingajuata naanerani qiterpaarnerani naliliineq ingerlanneqassaaq. Naliliinermi avataaniit nalileeqataasoq Kultureqarnermut Naalakkersuisoqarfimmit akuersissutigineqartoq peqataassaaq. Naliliinneq allaganngorlugu eqikkarneqassaaq soraarummeernermullu allagartamut kakkiunneqarluni.
Naggataarutaasumik naliliineq
Ilinniarnerup naammassinerani naliliineq naammassineqassaaq avataanit nalileeqataasoq Kultureqarnermut Naalakkersuisoqarfimmit akuerisaasoq peqataasoralugu. Naliliinneq allaganngorlugu eqikkarneqassaaq soraarummeernermullu allagartamut kakkiunneqarluni.
Avataani misilitsinerit
Avataani misilitsinerit soraarummersitsisumit (sunit) aamma avataanit nalileeqataasumit (nit) Kultureqarnermut Naalakkersuisoqarfimkit pisussanngortitaasunit naliliiffigineqassapput, Naliliinnerit 12-skala malillugu Greenlandic Grading Systemi (Kalaallit karakteerilersuinerat) naapertorlugu ingerlassapput.
Eqqarsaatiginninneq ingerlatseqqinnerlu
Ilinniarnerup ingerlanerani ilinniagaqartoq suliassanik allattarissanik arlalinnik tunniussissaaq. Suliassat taakkua ilai atuartitsinerup ingerlanera naammassineqartutut anguneqartutullu isigineqarsinnaanera sioqqullugu ilinniarnermut akisussaasumit akuersissutigineqassapput.
Naliliinerit nalilersuinerillu taaneqartut saniatigut ilinniagaqarttoq ilinniakkamut ilinniartitsisunit ilinniarnermullu akisussaassunit ingerlajuartumik ilitsersuunneqartassaaq.
Naliliineq pillugu malitarisassat
Naliliinermi siunertarineqartoq tassaavoq, ilikkagassatut anguniagassatut ilisimasassanut, pikkorissutsinut piginnaasanullu ilinniarnermut inissinneqarsimasut ilinniartup pisinnaasaanut naapertuunnersut nalilissallugu. Naliliinerit saniatigut siunertaqarput:
Ilinniagaqartup suliaminut suliamullu tunngasunut qaffasissutsimut nammineq sianissuseqarnera annerulersillugu.
Ilinniagaqartup ineriartornerata ingerlaqqinneranut anguniakkanik suliaqarneq.
Atuarfiup atuartitsinerata ineriartuinnarnissaanut pitsaassutillu qulakkeernissaanut ilanngussaqarneq.
Isiginnaartitsisartutut ilinniarnermut naliliinerit arlallit ilaapput. Ilinniagaqartumik naliliineq semesterip naanerani aamma suliaqarluni pilersitsinerit/isiginnaartitsinerit kingorna pissaaq. Naliliinerit immikkoortut marluupput:
Ilinniagaqartup nammineq suliaminut eqqarsaatiginninnera
Ilinniartitsisuniit ilinniarnermullu akisussaasumit allakkatigut oqaatsitigullu naliliineq
Imarisaa tassaavoq ilinniagaqartup suliamut tunngasutigut ineriartornera aamma suliniutinut/isiginnaartitsinernut il.il. peqataanera. Aammattaaq naliliineq ilinniarnerup ingerlaqqinnerani ilinniagaqartup suliniuteqarnera pillugu aalajangersimasumik siunnersuinermik imaqarpoq.
Ilinniagaqartup suliatigut ineriartorneq pillugu atuarfiup piumasaqaataa naammassinngippagu, immikkut ittumik naliliisoqassaaq. Allakkatigut naliliinerit taamatut pissusillit uteqqiappata, ilinniagaqartup peersitaaneranik kinguneqarsinnaavoq. Pisuni immikkut ittuni ukiumik ataatsimik ilinniagaqartoq uteqqeequllugu neqeroorfigineqarsinnaavoq.
Ilinniakkap aaqqissuussaanera aamma atuarneqarsinnaavoq.
Ilinniarnerup nalaani ilikkagassat naammasseriikkat pillugit malittarisassat
Isiginnaartitsisartutut ilinniarnermi ilikkagassat ataasiakkaat imatut aaqqissuunneqarput ilikkagassat naammasseriikkat qallunaat nunaanni imaluunniit nunani allani isiginnaartitsivimmi eqqumiitsuliortutut ilinniarnernut atorneqarsinnaallutik.
Qallunaat Nunaanni nunami allamiluunniit isiginnaartitsivimmi eqqumiitsuliortut ilinniarnermi ilinniakkap immikkoortuisa ilai, ilikkagassatut ilinniarsimasat, Nunatta Isiginnaartitsinermut Ilinniarfianut nuutillugit atorneqarsinnaaneri Nunatta Isiginnaartitsisarfiata nalilersoriarlugit aalajangersinnaavai.
Ilinniarnermut isumaqatigiissummut pisussaaffimmik sumiginnaanermut tunngatillugu kingunerititassatullu pisussaaffiit
Ilinnialernissaminik qinnuteqartup misilitsinerit angusiffigigunigit ilinniartunngortussatullu akuerisaalluni, taava ilinnialernerminut atatillugu isumaqatigiissumik atsiussaaq, isumaqatigiissut ukuninnga imaqarpoq:
Takkuttussaatitaaneq pillugu piumasaqqaat
Takkutinnginnermi tunngavilersuutit pillugit piumasaqaat
Mianersoqqussutinik tuniussinerit
Ilinniarnermut isumaqatgiissumik atorunnaarsitsineq
Ilinniagaqartoq atuarfimmit peersitaasinnaavoq:
Suliamut tunngasunik ineriartortitsinngippat
Akuerineqanngitsumik takkutinngitsoortarnerni
Atuarfiup atortorissaarutaanik aserorterippat imaluunniit allatut persuttaanermik pissusilersorpat
Peersinneqarneq taamaallaat pisinnaavoq ilinniagaqartoq siornatigut oqaatitsigut mianersoqquneqarsimappat malitsigisaanillu allakkatigut mianersoqquneqarsimalluni, mianersoqqussutaasimasullu iluaqutaasimanngippata. Atuarfiup atortorissarutaanik aserorterineq imaluunniit allatut persuttaanermik pissusilersorneq ingerlaannartumik peersitsinermik kinguneqassaaq.
Peersitsineq pillugu aalajangiineq allakkat tiguneraniit kingusinnerpaamik sapaatip akunneri sisamatqaangiutsinnagit Ilinniartitaanermut Kultureqarnermullu Naalakkersuisoqarfimmut naammagittaalliuutineqarsinnaavoq.
Immikkut ittumik akuersissuteqarneq
Ilinniagaqarnermik aaqqissuussinermi malittarisassanit taamaallaat atuarfimmit aalajangersarneqartumik Nunatta Isiginnaartitsisarfia immikkut akuersissuteqarsinnaavoq.
Soraarummeernermut allagartaq
Kalaallit Nunaata Isiginnaartitsisarfia ilinniakkap naammassineranut allagartamik tunniussisarpoq. Tassani ECTS-pointit, ilinniakkat naammassisat nuussinerit ilinniakkami immikkoortut ilai, naliliinermi oqaatsit ilaassapput aamma ilinniakkap kalaallisut, qallunaatut tuluttullu taaguutaa. Uppernarsaammut ilanngussatut Diploma Supplement tuluttooq tunniunneqassaaq. Tamatuma saniatigut qiterpaarnerani naammassineranilu naliliinerit allaganngorlugit naliliinerit ilatinneqassapput.
Ilinniakkap aaqqissugaanera Ilinniartitaanermut Siunnersuisoqatigiinnit akuersissutigineqarluni atsiorneqarpoq ulloq 12. juni 2025
Peder Dahlgaard, ilaasortaq - Den Danske Scenekunstskolemit toqqarneqarsimasoq.
Kuluk Helms, ilaasortaq - scenekunstforeningen Sila-mit toqqarneqarsimasoq.
Nitta Lyberth-Mørch, Ilinniartitaanermut Naalakkersuisoqarfimmit toqqarneqarsimasoq.
